Particles

ਪਾਰਟੀਕਲਸ ਅਜਿਹੇ ਸ਼ਬਦ ਹੁੰਦੇ ਹਨ ਜਿੰਨ੍ਹਾਂ ਦਾ ਆਪਣਾ ਕੋਈ ਮਤਲਬ ਨਹੀਂ ਹੁੰਦਾ। ਇਨ੍ਹਾਂ ਨੂੰ ਅਰਥਪੂਰਨ (meaningful) ਬਣਨ ਲਈ ਕਿਸੇ ਦੂਸਰੇ ਸ਼ਬਦ ਨਾਲ ਜੁੜਨਾ ਪੈਂਦਾ ਹੈ। ਮਤਲਬ ਨਾ ਹੋਣ ਦੇ ਬਾਵਜੂਦ ਇਹ ਅੰਗਰੇਜ਼ੀ ਗਰਾਮਰ ਵਿੱਚ ਆਪਣਾ ਕਿਰਦਾਰ ਨਿਭਾਉਂਦੇ ਹਨ। ਇਹ ਦੇਖਣ ਨੂੰ ਬਿਲਕਿਲ ਪ੍ਰੈਪੋਸੀਸ਼ਨਸ ਜਿਹੇ ਲੱਗਦੇ ਹਨ ਪਰ ਇਨ੍ਹਾਂ ਦੀ ਵਰਤੋਂ ਇਨਫਿਨੀਟਿਵਸ (infinitives) ਅਤੇ ਫਰੇਸਲ ਵਰਬਸ (phrasal verbs) ਬਣਾਉਣ ਲਈ ਕੀਤੀ ਜਾਂਦੀ ਹੈ।

Infinitive to  

ਅੰਗਰੇਜ਼ੀ ਗਰਾਮਰ ਵਿੱਚ to ਇੱਕੋ ਇੱਕ ਅਜਿਹਾ ਪਾਰਟੀਕਲ ਹੈ ਜੋ ਇਨਫਿਨੀਟਿਵ ਵਰਬ ਬਣਾਉਣ ਲਈ ਵਰਤਿਆ ਜਾਂਦਾ ਹੈ। ਇਨਫਿਨੀਟਿਵ ਵਰਬ ਬਣਾਉਣ ਲਈ ਵਰਬ ਦੀ ਬੇਸ ਫੌਰਮ (base form) ਦੇ ਨਾਲ to ਲਗਾ ਦਿੱਤਾ ਜਾਂਦਾ ਹੈ।

ਉਦਾਹਰਣ 

       • To read is a good habit. (acting as noun-subject)
       • She wishes to be alone. (acting as noun-direct object)
       • I am going home to study. (modifying the verb-going)
       • It is a good gym to workout. (modifying the noun-gym)

Phrasal verbs  

ਫਰੇਸਲ ਵਰਬਸ ਅਜਿਹੇ ਵਰਬ ਫਰੇਸ ਹੁੰਦੇ ਹਨ ਜਿੰਨ੍ਹਾਂ ਵਿੱਚ ਵਰਬ (verb) ਦੇ ਨਾਲ ਇੱਕ ਜਾਂ ਦੋ ਹੋਰ ਸ਼ਬਦ ਵੀ ਹੁੰਦੇ ਹਨ। ਇਨ੍ਹਾਂ ਦੇ ਨਾਲ ਪ੍ਰੈਪੋਸੀਸ਼ਨ (preposition) ਜਾਂ ਪਾਰਟੀਕਲ (particle) ਲੱਗੇ ਹੁੰਦੇ ਹਨ। ਇਹ ਪਾਰਟੀਕਲ ਅਕਸਰ ਅਡਵਰਬ (adverb) ਵਜੋਂ ਕੰਮ ਕਰਦੇ ਹਨ ਸੋ ਇਨ੍ਹਾਂ ਨੂੰ ਅਡਵਰਬੀਅਲ ਪਾਰਟੀਕਲ (adverbial particle) ਜਾਂ ਸਿਰਫ ਅਡਵਰਬਸ (adverbs) ਵੀ ਕਿਹਾ ਜਾਂਦਾ ਹੈ।

ਪਾਰਟੀਕਲ ਦੇਖਣ ਨੂੰ ਪ੍ਰੈਪੋਸੀਸ਼ਨ (preposition) ਵਰਗੇ ਲੱਗਦੇ ਹਨ ਪਰ ਇਨ੍ਹਾਂ ਵਿੱਚ ਅੰਤਰ ਹੈ। ਪਾਰਟੀਕਲ ਕਦੇ ਵੀ ਪ੍ਰੈਪੋਸੀਸ਼ਨਲ ਫਰੇਸ (prepositional phrase) ਦੀ ਸ਼ੁਰੂਆਤ ਨਹੀਂ ਕਰ ਸਕਦੇ ਪਰ ਪ੍ਰੈਪੋਸੀਸ਼ਨ ਵਜੋਂ ਵਰਤੇ ਜਾਂਦੇ ਸ਼ਬਦ ਹਮੇਸ਼ਾ ਅਜਿਹਾ ਕਰਦੇ ਹਨ ।

ਉਦਾਹਰਣ

       • He doesn’t seem to care about his mental health.
       • The union finally agreed on their demands.
       • I feel like reading a book.
       • Some people do not approve of inter-cast marriage in India.