Introduction to shall

ਮੌਡਲ ਵਰਬ shall, will ਦੀ ਹੀ ਤਰ੍ਹਾਂ ਕਈ ਤਰੀਕਿਆਂ ਨਾਲ ਵਰਤਿਆ ਜਾ ਸਕਦਾ ਹੈ। ਇਹ future tense ਬਣਾਉਣ ਲਈ, ਇੱਛਾ ਜਾਂ ਕਾਬਲੀਅਤ ਦਿਖਾਉਣ ਲਈ, ਬੇਨਤੀ ਜਾਂ ਪੇਸ਼ਕਸ਼ ਕਰਨ ਲਈ, ਨਿਰਦੇਸ਼ ਦੇਣ ਲਈ ਜਾਂ ਕੰਡੀਸ਼ਨਲ ਸੈਨਟੈਂਸਾਂ ਨੂੰ ਪੂਰਾ ਕਰਨ ਲਈ ਵਰਤਿਆ ਜਾ ਸਕਦਾ ਹੈ।

ਆਮ ਤੌਰ ਉੱਤੇ shall, ਓਦੋਂ ਵਰਤਿਆ ਜਾਂਦਾ ਹੈ ਜਦੋਂ I ਅਤੇ we ਸਬਜੈਕਟ ਹੋਣ ਪਰ ਇਹ ਕੋਈ ਸਖਤ ਨਿਯਮ ਨਹੀਂ ਹੈ ਅਤੇ shall ਦੀ ਵਰਤੋਂ ਹੋਰ ਵੀ ਕਈ ਥਾਵਾਂ ਉੱਤੇ ਕੀਤੀ ਜਾ ਸਕਦੀ ਹੈ। 

Different uses of modal auxiliary verbs

     1. Future tense (ਫਿਊਚਰ ਟੈਂਸ ਬਣਾਉਣ ਲਈ)

ਫਿਊਚਰ ਟੈਂਸ ਅਕਸਰ will ਜਾਂ be going to ਨਾਲ ਬਣਾਏ ਜਾਂਦੇ ਹਨ ਪਰ ਅਸੀਂ shall ਦੀ ਵਰਤੋਂ ਵੀ ਕਰ ਸਕਦੇ ਹਾਂ। ਅਜਿਹਾ ਸੈਨਟੈਂਸ ਨੂੰ ਅਧਿਕਾਰਿਕ ਰੂਪ ਦੇਣ ਜਾਂ ਨਿਮਰਤਾ ਨਾਲ ਕਹਿਣ ਲਈ ਕੀਤਾ ਜਾਂਦਾ ਹੈ ਅਤੇ ਅਜਿਹਾ ਅਕਸਰ future simple tense ਜਾਂ future continuous tenses ਬਣਾਉਣ ਲਈ ਵੀ ਕੀਤਾ ਜਾਂਦਾ ਹੈ। 

ਉਦਾਹਰਣ

      i. I shall call the manager.
     ii. You shall be handling the department, in the absence of the manager.

Shall ਨੂੰ future perfect tense ਅਤੇ future perfect continuous tense ਵਿੱਚ ਵੀ ਵਰਤਿਆ ਜਾ ਸਕਦਾ ਹੈ ਹਾਲਾਂਕਿ ਅਜਿਹਾ ਬਹੁਤ ਘੱਟ ਕੀਤਾ ਜਾਂਦਾ ਹੈ। 

ਉਦਾਹਰਣ

      i. As of next month, I shall have worked here for ten years.
     ii. By the time our food arrives, we shall have been waiting for 30 minutes.

     2. Offers, suggestions, and advice (ਪੇਸ਼ਕਸ਼ ਕਰਨ ਲਈ, ਸੁਝਾਅ ਦੇਣ ਲਈ ਜਾਂ ਸਲਾਹ ਦੇਣ ਲਈ)

ਸਵਾਲ ਪੁੱਛਣ ਵਾਲੇ ਸ਼ਬਦ (ਜਿਵੇਂ why, when, what, etc.) ਦੀ ਜਗ੍ਹਾ shall ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਅਜਿਹਾ ਕੋਈ ਪੇਸ਼ਕਸ਼ ਕਰਨ ਲਈ, ਸੁਝਾਅ ਦੇਣ ਲਈ ਜਾਂ ਸਲਾਹ ਦੇਣ ਲਈ ਕੀਤਾ ਜਾਂਦਾ ਹੈ।

ਉਦਾਹਰਣ

      i. Shall we go out for a movie tomorrow?
     ii. Shall I help you in the kitchen?

ਪਰ ਜਦੋਂ shall ਸਵਾਲ ਪੁੱਛਣ ਵਾਲੇ ਸ਼ਬਦਾਂ ਦੇ ਨਾਲ ਵਰਤਿਆ ਜਾਂਦਾ ਹੈ ਤਾਂ ਅਜਿਹਾ ਅਸੀਂ ਕੋਈ ਫੈਸਲਾ ਲੈਣ ਤੋਂ ਪਹਿਲਾਂ ਕਿਸੇ ਇਨਸਾਨ ਦੀ ਸਲਾਹ ਜਾਂ ਵਿਚਾਰ ਜਾਨਣ ਲਈ ਕਰਦੇ ਹਾਂ। 

ਉਦਾਹਰਣ

      i. What shall we do in the absence of the manager?
     ii. Who shall handle the responsibilities of the manager?

     3. To form conditional sentences (ਕੰਡੀਸ਼ਨਲ ਸੈਨਟੈਂਸ ਬਣਾਉਣ ਲਈ)

ਕੰਡੀਸ਼ਨਲ ਸੈਨਟੈਂਸ ਅਜਿਹੇ ਸੈਨਟੈਂਸ ਹੁੰਦੇ ਹਨ ਜਿੱਥੇ ਕੋਈ ਕੰਮ ਦੇ ਪੂਰਾ ਨਾ ਹੋਣ ਦੀ ਸਤਿਥੀ ਵਿੱਚ ਉਸਦਾ ਕੀ ਨਤੀਜਾ ਨਿੱਕਲੇਗਾ ਜ਼ਾਹਿਰ ਕੀਤਾ ਜਾਂਦਾ ਹੈ। ਜਿਵੇਂ, "ਜੇ ਤੁਸੀਂ ਇੱਕ ਮਹੀਨੇ ਵਿੱਚ ਪੈਸੇ ਨਾ ਮੋੜੇ ਤਾਂ ਵਿਆਜ ਦੇਣਾ ਪਵੇਗਾ।" ਅੰਗਰੇਜ਼ੀ ਗਰਾਮਰ ਵਿੱਚ shall, will ਦੀ ਜਗ੍ਹਾ ਤੇ if ਨਾਲ ਵਰਤਿਆ ਜਾ ਸਕਦਾ ਹੈ।

ਉਦਾਹਰਣ

      i. If you don’t allow me to enter the property, I shall call the police.
     ii. Guests shall not attend the wedding if they are not given the due invitation.

     4. To give official instructions (ਅਧਿਕਾਰਿਕ ਨਿਰਦੇਸ਼ ਦੇਣ ਲਈ)

ਅਸੀਂ ਪਹਿਲਾਂ ਪੜ੍ਹਿਆ ਹੈ ਕਿ will ਨਿਰਦੇਸ਼ ਦੇਣ ਲਈ ਵਰਤਿਆ ਜਾਂਦਾ ਹੈ ਪਰ ਅਧਿਰਕਾਰਿਕ ਨਿਰਦੇਸ਼, ਜਿਵੇਂ ਔਫੀਸ਼ਿਅਲ ਨੋਟਿਸ ਦੇਣ ਲਈ shall ਵਰਤਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਕਿਸੇ ਨੂੰ ਅਧਿਕਾਰਕ ਤੌਰ ਉੱਤੇ ਝਿੜਕਣ ਲਈ ਵੀ shall ਵਰਤਿਆ ਜਾਂਦਾ ਹੈ। ਅਜਿਹੇ ਮੌਕਿਆਂ ਉੱਤੇ ਸਬਜੈਕਟ ਦਾ I ਜਾਂ we ਹੋਣਾ ਜਰੂਰੀ ਨਹੀਂ ਹੁੰਦਾ।

ਉਦਾਹਰਣ

      i. Employees shall report on time daily.
     ii. Students shall wear the proper uniform.

Substituting shall with should or must

ਜਦੋਂ ਅਸੀਂ ਕੋਈ ਅਜਿਹਾ ਨਿਰਦੇਸ਼ ਦੇਣਾ ਹੋਵੇ ਜੋ ਪੂਰਾ ਕਰਨਾ ਲਾਜ਼ਮੀ ਨਾ ਹੋਵੇ ਬਲਕਿ ਜੋ ਸੇਧ ਜਾਂ ਸਲਾਹ ਦੇਣ ਦਾ ਕੰਮ ਕਰੇ, ਓਦੋਂ shall ਦੀ ਜਗ੍ਹਾ should ਵਰਤਿਆ ਜਾਂਦਾ ਹੈ।

ਜਦੋਂ ਅਸੀਂ ਕੋਈ ਅਜਿਹਾ ਨਿਰਦੇਸ਼ ਦੇਣਾ ਹੋਵੇ ਜੋ ਪੂਰਾ ਕਰਨਾ ਅਤਿ-ਲਾਜ਼ਮੀ ਹੋਵੇ, ਓਦੋਂ shall ਦੀ ਜਗ੍ਹਾ must ਵਰਤਿਆ ਜਾਂਦਾ ਹੈ।